Ечазарета сега е првата жена родена во Мексико која отпатувала во Вселената, откако беше дел од групата која заврши лет со ракета изградена од „Blue Origin“ на Џеф Безос. Ечазарета рече дека тоа било искуство од нејзините соништа.
„Целиот мој живот сонував да одам во Вселената“, рече таа на страницата на Инстаграм на Blue Origin. Се обидов да замислам како ќе изгледа сетоа тоа и ве уверувам дека никој не може вистински да го замисли тоа додека не го доживее. Дури и сега, само кога размислувам наназад, очите ми се насолзуваат. Штом погледнав надолу во нашата планета, ми течеа солзи по лицето и ме натераа да сфатам колку е важно да се грижиме за нашата планета и за она што го имаме овде“.
Ечазарета е инженер и научен комуникатор кој потекнува од Гвадалахара, Мексико. Таа беше избрана од повеќе од илјада апликанти од непрофитната организација наречена Space for Humanity. „Гледајќи долу и гледајќи како сите се таму долу, целото наше минато, сите наши грешки, сите наши пречки, сè – сè е таму“, рече таа, пренесе Си-Ен-Ен. „И единственото нешто на што можев да се сетам кога се вратив беше дека потребно е луѓето да го видат ова. Потребно ми е латиноамериканците да го видат ова. И мислам дека тоа само целосно ја засили мојата мисија да продолжам да ги зголемувам присуството првенствено на жените и обоените луѓе во Вселената“
Ечазарета беше дел од петтата таква група што ја носеше „Blue Origin“ до работ на Вселената. Повеќето од патниците платиле необјавена сума за да резервираат место на ракетата. Space for Humanity има за цел да испрати „исклучителни лидери“ во Вселената и да им понуди исклучителен поглед на Земјата, за кој се верува дека ќе им даде нова перспектива за самиот живот. Дилан Тејлор, вселенски инвеститор кој го основаше Space for Humanity, ја избра Ечазарета за програмата. „Баравме луѓе кои веќе работат навистина одлична работа во светот и луѓе кои се страстни за што и да е тоа“, рече Рејчел Лајонс, извршен директор на непрофитната организација.
